”අසාධාරණයට විරුද්ධව හඬ නොනගන්න . . . කම් නැත,
එහෙත් අසාධාරණය සාධාරණීයකරනය කරන්න හඬ නොනගන්න…. මක් නිසාද;
අද ඔබේ වචන වලින් සාධාරණය ලෙස සම්මත වන අසාධාරණය ,
හෙට උපදින පරම්පරාවක්ම අසාධාරණයේ යකඩ සපත්තුවෙන් පාගා දමනු ලැබිය හැකි බැවිනි . .”

මේ වෙනුවෙන් කරන්න තියෙන්නෙ මිනිත්තුවක් වැයකරන්න විතරයි.
මුලින්ම මෙන්න මේ ලින්ක් එකට යන්න. (http://wh.gov/jmh)

දැන්   create an account  සැබැඳියෙන් whitehouse.gov හි ඔබේ ගිනුමක් හදන්න.(පහත රූපය බලන්න.)

දැන් ඔබේ මුල් හා අග නම් සහ ඊමේල් ලිපිනය ඇතුලත් කරන්න.

නිවැරදිව පිරවූ පසු ඊමේල් පණිවුඩයක් මගින් ඔබව දැනුවත් කරන අතර ගිනුම සක්‍රිය කිරීම සඳහා එහි අති මුල් සැබැඳිය (ලින්ක් එක) ඔබන්න.

දැන් තියෙන්නෙ SIGN THIS PETITION  කරන එක.
එච්චරයි.

මේ ආකාරයට classic ubuntu පරිසරය සකසාගන්න එක හරිම ලේසියෙන් කරන්න පුලුවන්.මෙහෙම කලාම වින්ඩෝව විශාලිත අවස්තාවේදී පමනක් Menue bar එක Title bar එක සහ Window Buttons මෙන්න මේ විදියට Pannel එකට එකතුවෙන අතර වින්ඩෝව කුඩා විට සාමාන්‍යපරිදි වැඩ කරනව.

1. මුලින්ම සුපුරුදු ලොගින් අතුරු මුහුනතේන් ubuntu classic තෝරගන්න.
2. ඊට පස්සෙ මේ pannel applet 2ක Synaptic එකෙන් install කරන්න.Indicator Applet Application Menu සහ Window Buttons.
3. දැන් pannel එකේ කැමති තැනකට ඒවා එකතු කරන්න.දැන් Window Buttons සඳහා කැමති/සුදුසු button තීම් එක Preference වලින් තෝරන්න.(Preference වලින් කැමති/සුදුසු පරිදි මෙම Window Buttons හැසිරීම වෙනස්කරන්නත් පුලුවන්.)
   
4. දැන් තියෙන්නෙ විශාලිත වින්ඩෝවල title bars ඉවත්කිරීමයි.මේ සඳහා ccsm(CompizConfig Settings Manager) install කර තියෙන්න ඕන.දැන් System→Preferences→CompizConfig Settings Manager හි Window Decorations සොයා Decoration Windows හි any වෙනුවට !state=maxvert ලෙස සකස් කරන්න .

එච්චරයි
ආශ්‍රිත ලිපි:

1. http://ubuntuguide.net/substitute-maximized-window-title-and-buttons-with-gnome-panel-applets
2. http://vmlinux.org/jocke/blog/gnome/hide-decoration-on-maximize

1. ඉවත දමන pvc වැහි පීල්ලක කොටසක්,
2. කියත්පටියක්,
3. ඉටිපන්දමක්,
4. අඬුවක්.

මුලින්ම phone එකේ ප්‍රමාණයට ටිකක් වැඩි[ (phone එකේ පළල) +(ඝනකම×2)] කොටසක් කපාගන්න.ඝනකම×2 කිව්වෙ පැති ආදාරක දෙකට .

දැන් පීල්ලෙ දෙපස කොටස් තදින් ඇතුලට නවන්න.
(පීල්ලේ දිගම කොටස තමයි යටට හිටින්නෙ,පීල්ලෙ මැද කොටසෙ තමයි phone එක හිටින්නෙ).අවසානයේදී කිසිම බලයක් දෙන්නෙ නැතිව නවාගත් පීල්ල මෙන්න මෙහෙම තියෙන්න ඕන.තදින් නවන්න(එහෙම හිටින්නෙ නැත්තම් ඕනෙනම් අන්තිමටම වැඩේ ඉවර වුනාම පොඩි බකට් කම්බියකින් පැති දෙක එකතුකරන්න පුලුවන්.)දැන් පැති ආදාරක 2 ඉතුරුවෙන පරිදි phone එකේ පළල ඉරකින් පීල්ලෙ සලකුණු කරගෙන ඒ දිගේ කියත් පටියෙන් කපන්න.ටික වෙලාවක් නම් යනව වැඩේට.

හරි , දැන් මේ පේන්න තියන තීරු කපල ඉවත්කරල, අර ඉතුරු කරගත් පැති ආදාරක දෙක අඬුවෙන් ඇතුලට නවන්න.
දැන් ඉතුරු pvc වැහි පීල්ලෙන් තවත් කොටසක් phone එකේ පළලට 1cm විතර අඩුවෙන් කපාගන්න.

ඊලඟ පියවර ටිකක් ඉවසීමෙන් කරන්න ඕන, නැත්නම් කරපු ඔක්කොම වතුරෙ.දැන් ඒ කපාගත් කොටසේ පළල ප්‍රමාණයට හා මහතට හරියටම ගැලපෙන පරිදි කැපුමක් කියත්පටිය රත්කරල හරහට යොදන්න(ඒ කියන්නෙ කපාගත් කොටස රිංගවන්න පුලුවන් තරමේ වන හරස් කැපුමක්) .ඒක ටිකක් හිරට වන තරමට හොඳයි.

දැන් කරන්න තියෙන්නෙ අර කපාගත් කොටස හරස් කැපුම තුලට රිංගවන එක. කැමති පරිදි දිග සකසාගැනීමත් , එමගින් ආනතිය වෙනස්කිරීමටත් හැකියාව මෙමගින් ලැබෙනව.අන්තිමට මෙන්න මේ වගේ තමයි පේන්නෙ.

හරි. දැන් වැඩේ ඉවරයි. කැමතිනම් charger pin සිදුරක් දාන්නත් පුලුවන්.
Click to view slideshow.

වැඩි විස්තර සඳහා:http://www.facebook.com/#!/home.php?sk=group_213951615281554

Click to view slideshow.

1. මුලින්ම /etc/phpmyadmin/config.inc.php ෆයිල් එක විවර කරන්න.
2. දැන්
   

   $cfg['UploadDir'] = ” ;

   තියන තැන සොයාගෙන (ctrl + F )

   $cfg['UploadDir'] = ‘/etc/phpmyadmin/upload’;

   ලෙසට වෙනස්කරන්න.

3. මීලඟට /etc/phpmyadmin/  ෆෝල්ඩරයට ගිහින් upload කියල ෆෝල්ඩරයක් හදල ඒ හදපු upload කියන ෆෝල්ඩරය තුලට ආනයනය (import) කරන විශාල ප්‍රමාණයේ file එක දමන්න.

Phpmyadmin අතුරු මුහුනතේ මුලින් තිබුනු Location of the text file මෙනුවට අමතරව, web server upload directory : ලෙස තවත්  drop-down මෙනුවක් දැකගන්න පුලුවන්වේවි.



4. දැන් drop-down මෙනුව මගින් ඕනකරන ෆයිල් එක තෝරාගන්න (web server upload directory).

ප.ලි: වින්ඩෝස්(MS windows) සඳහා මෙය සිදුකරන ආකාරය ඇතුලත් පහත සැබැඳිය බලන්න.
ආශ්‍රිත ලිපි: http://daipratt.co.uk/importing-large-files-into-mysql-with-phpmyadmin/

අහස පුරා සැරිසරන කුරුල්ලන් විදින නිදහස, කොලපාට යායෙන් ඔබ්බෙහි ඇති නිල් පාට කදු පන්තියේ සැගවී ගිය මල් ගොමුවක සුන්දරත්වය, ඒ මල් වටේ මුකුළු වන මී මැස්සන්ගේ ගුම් ගුම් නාදය විදිනවා වෙනුවට, තුවක්කුවකුත් කරේ එල්ලගෙන ජීවිතේ විදවන්න සිද්ද කළ රුදුරු ත්‍රස්තවාදය නිමා කරමින් සාමයේ හිරු කිරණ වැව් බැඳි රාජ්ජයට, දිගාමඩුල්ලේ ඉන්න අහිංසක දරු පැටවුන්ටත් වැටිලා තියෙනවා. නමුත් තවමත් ලෝකය ගැන ප්‍රචණ්ඩත්වයෙන්, සාහසික ඇහැකින් බලන්න පුරුදු කරපු මේ ළමයි, ඊට හාත්පසින් වෙනස්, සෞම්‍ය සිනාවෙන් පිරුණු, මනුස්සකම උතුරන ලෝකයක් ඇති බව දන්නෙවත් නැතුව ඇති…. සිදාදියේ ගාමන්ට් එකක දණහිස් පොල්කටු දෙක ගෙවෙනකන් මැෂින් පාගන්න, ලොකු බංගලාවක සිකුරිටි කමක් ගන්න ඇරුණම වෙන ජීවිත උරුමයක් ඔවුන්ට ඇති බව ඔවුන් නොදන්නවා වෙන්න ඇති ……

කුරිරු ත්‍රස්තවාදයෙන් බැට කාපු මේ ජීවිත, දුක්ඛ දෝමනස්සයන් එක්කම සැඟවෙන්න්න ඕනෙද? මාර්ටින් වික්‍රමසිංහල, ජයන්ත ධනපාලලා වෙන්න ඕන අය අහස දිහා බලාගෙන හුල්ල හූල්ල බලාගෙන ඉන්න ඕනෙද???

ලෝකෙ කොහෙවත් නැති, අනුන්ගේ කදුලක පිරුණු වේදනාව දැනෙන, උණුවන හදවත් ඇති අපේ රටේ මිනිස්සුන්ගේ කරුණාව මේ මිනිස්සුන්ට ලබා දෙන්න පුළුවන් අවස්ථාව උදා වෙලා තියෙනවා. එදා වේල පිරිමහ ගන්න කෑමක් බීමක්‌ දෙනවට වඩා
හැමදාම එකම තැන පල්වෙන ඒ ජීවිත වල වෙනසක් කරන්න පුළුවන් වෙන්නේ පානම්පත්තුව දක්වා ඈතට විහිදෙන ඒ ගම්වල අහිංසක දරු පැටවුන්ගේ හදවත ශක්තිමත් කළොත් විතරයි….ලෝකෙ වෙනස් කරන්න පුළුවන් අපුර්ව ශක්තියක් තමන් තුළම සැගවී තියෙන බවත්, බුද්ධිය හා දැනුමට විශාල වටිනාකමක් ඇති බවත්, දඩු වැටෙන් ඔබ්බෙහි ඇති මහා ලෝකය ජය ගන්න මේවා යොදා ගන්න පුළුවන් බවත් මොවුන්ට වටහල දෙන්න පුළුවන් නම්…..තාරුණ්‍යය කියන්නේ තුවක්කුවක් අරගෙන හතරවටේට වෙඩි තියන එකවත්, නැති වුන පෙම්වතිය වෙනුවෙන් කෘමිනාශක බොන එකවත්, TV එකේ හරි Fm නාලිකාවක හරි කියන එක රැයෙන් ප්‍රසිද්ධ උන සුපිරි තරුවක් වීමවත් නොවෙයි, ලෝකෙට ලොකු දෙයක්, වෙනසක් කරන්න පුළුවන් වගකීමක් ඇති ජීවිතයක් කියල ඔවුන්ට ඒත්තු ගන්නවන්න පුළුවන් නම්…..

ඔය කියන ජීවිත අවබෝධය, ඔවුන් තුල සැගවුණු මහා ශක්තිය අවදි කරන්න පුළුවන් පොත පතට විතරයි. මවු කිරේ රසය ඇති වෙච්ච කථාව, පීදෙන ගොයමක මුහු වෙච්ච දහදිය සුවද, හදවත හා ආත්මයේ ඇති අමිල බව, ඔවුන්ට ඒත්තු ගන්වන්න පුළුවන් සාහිත්‍යයට විතරයි. මේ වටිනාකම ඔවුන්ට වටහල දීල ඔවුන් කියවන්න ඇබ්බැහි කරන්න පුලුවන්නම්…

එත්……කියවන්න පොත් ඕනෙ,පුස්තකාලයක් තියෙන්න ඕනෙ,පුරුද්දක් නැති නිසා පොඩි අභිප්‍රේරණයක්, මඟපෙන්වීමක් ඕනෙ…කියවන්න, කියවන්න දිරිමත් කරන්න ඕනෙ…මේ දේවල් සාර්ථක උනොත් අපේ රටේ හෙට දවස ගැන සැකයක් නැහැ..මොකද, මහා පොලොවේ පන්නරය ලබන ඔවුන් පොත්පත්වල අපුර්වත්වය දැක, දැනුමින් පොහොසත්ව පිරිච්ච මිනිසුන් උනොතින් අනිවාර්යෙන්ම අපිට ලැබෙන්නේ ලෝකයේ හොදම මානව සම්පතයි….

ඉතින් මේ අරමුණ වෙනුවෙන් තමයි සෙනහසේ අරුණැල්ල කැපවෙන්නෙ….තරුණයන් පිරිසක් එකතු වෙලා නිර්මාණය කරපු සංකල්පයක් තමයි සෙනහසේ අරුණැල්ල කියන්නේ …ඇත්තටම ඔවුන්ට තියෙන්නේ අධිශ්ටානය විතරයි. එත් හෙට දවස වෙනුවෙන් තමන්ගේ රට වෙනුවෙන් තමන්ගේ යුතුකම කොහොමහරි ඉටු කරන්න කැපවෙන්න ඔවුන් අදිටන් කළා…. ඒ අරමුණ යථාර්තයක් කරන්න පුළුවන් සැබෑ මිනිසුන් වෙච්ච ඔබට විතරයි….මොකද සෙනහසේ අරුණැල්ල කියන්නේ එක කොටසයකට අයිති දෙයක් නොවන නිසා…
උපන් බිමට මනුෂත්වයට ආදරේ කරන කාගේත් දෙයක් “සෙනහසේ අරුණැල්ල “.අනිත් අයගේ අඩුපාඩු හොයා හොයා ඒවාට බැන බැන සාප නොකර හෙට රට වෙනුවෙන් පොඩි හරි දෙයක් කරන්න ඔබත් කැමති නම් “සෙනහසේ අරුණැල්ල ” වෙනුවෙන් ඔබත් එකතු වන්න…

පෙර දවසක කියවා රස විදපු, ඔබේ ජීවිතයේ වෙනසක් ඇති කරපු, හොද තත්වයේ තිබෙන ළමා කෙටිකථා, ප්‍රබන්ධ, පරිවර්ථන, චරිතකථා ඉතිහාස පොත් ආදිය අපට දෙන්න…ඒ පොත් හෙට දවසේ දී තවත් ජීවිත ගණනාවක පරිවර්තනයක් ඇති කරාවි. සෙනහසේ අරුණැල්ලට ඔබේ සහය නැතිනම් එය යථාර්තයක් වෙන්න නෑ. අපේ රටේ ඉන්න මනුස්සකමට ආදරය කරන ඔබ ගැන විශ්වාසයෙන් තමයි අපි ව්‍යාපෘතිය ආරම්භ කලේ….ඔබ ලබාදෙන පොත් නිසි පරිදි බෙදා දීල ඒ ළමයින්ට කියවීමට පෙලබවීමක් ඇති කරන්න අපි සුදානම්..
ඉතින්…කැමති නම් ඔබේ ආයතනයේ, පාසලේ, පන්සලේ, ගමේ, පවුලේ මිතුරන් මේ කටයුත්තට එක් කර ගන්න ඔබ පෙරමුණ ගන්න,,,අහිංසක ජීවිත වෙනුවෙන් ඒ දෙය මහා පිනක් වේවි.පොත් වලට කාලගුණ සැලකීමක් වේවි.ඔබටත් ඔබේ දරුවන්ටත් මහා ආශීර්වාදයක් වේවි…..ඉතින් ….මේ සෙනෙහෙබර ඇරයුම අප හා එක් වන්න.ඔබ කව්රු උනත් ඔබට මේ වෙනුවෙන් පුංචි හරි උදව්වක් කරන්න පුලුවන්නම් ඒ දෙය අපිට ලොකු හයියියක්‌ වේවි……සැබවින්ම ඔබ අපිට විශ්වාසයි….

තමන් ලැබූ දිවි පෙවතේ
කොටසක් රට සමය වෙතේ
පුද නොකලොත් නුබෙන්පුතේ
මෙලොවට කිසි එලක් නැතේ

වැඩි විස්තර සදහා
senahasearunella@gmail.com
අමතන්න..
අමිල 0716315399
නවින්ද 0714476276

website :
http://www.senahasearunalla.co.cc/

Facebook page:
http://www.facebook.com/home.php?sk=group_131804360213817&notif_t=group_r2j

ප.ලි: වැඩි දෙනකුගේ කියවීම පිණිස නවින්දගේ මුල් ලිපිය මෙසේ නැවත පලකරන ලදි.

කොයි අතකින් නැඟුනත් මහකඳු මුඳුනට – එක දසුනයි දිස්වෙන්නේ…
කොයි දෙසෙකින් ආවත් ඔබ අප හැම – එක් අරමුනකයි ඉන්නේ…
කොයි නමකින් ගැලුවත් ගංඟා සහසින් – සයුරයි අප හඳුනන්නේ….
එලෙසින් ඔබ අප කාගෙත් සිරුරේ – එකම ලෙයයි දිවයන්නේ…

අපි ලකුණු හඹා ඇදෙමු..
අපි කඩුලු ලබාගනිමූ..
ජය-පරාජය ද විඳිමූ….
ආදරය බෙදාගනිමූ… //

නිල්දිය දහරින් සිසිල අරන් එමූ.. (කෙළි මඬලේ ජය ගොස නගමූ )
රන් ඉර මඬලෙන් එලිය අරන් එමූ… (මිහිමඬලේ සුවය සදමූ)
සුන්දර හැඟුමෙන් එක රැනේ ගෙතෙමූ.. (කෙළි මඬලේ ජය ගොස නගමූ )
එක්වී අපි අපි ලොව උයනක් කරමූ…(මිහිමඬලේ සුවය සදමූ)

කොයි නමකින් ගැලුවත් ගංඟා සහසින් ..
සයුරයි අප හඳුනන්නේ….
එලෙසින් ඔබ අප කාගෙත් සිරුරේ ….
එකම ලෙයයි දිවයන්නේ…..

නිල් දිය දහරින් සිසිල අරන් එමූ.. (අපි ලකුණු හඹා ඇදෙමු..)
රන් ඉර මඬලෙන් එලිය අරන් එමූ… (අපි කඩුලු ලබාගනිමූ..)
සුන්දර හැඟුමෙන් එක රැනේ ගෙතෙමූ.. (ජය-පරාජය ද විඳිමූ.. )
එක්වී අපි අපි ලොව උයනක් කරමූ…(ආදරය බෙදාගනිමූ..)

ගීතය: නිල් දිය දහරින්
ගායනය: නිමන්ත හේෂාන්
පදරචනය: බන්දුල නානයක්කාරවසම්
සංගීතය: රංග දසනායක
නිෂ්පාදනය: තිනෙත්
සිනමා ශිල්පය: ධම්මික රත්නායක (Helium180° )
අධ්‍යක්ෂණය: රවිඳු හන්වැල්ල (Helium180°)